7.1.10
Eurídice Monteiro
tchuba scorregado
desanimado nha bida
m djobi Santa pam bai Santomé
bem na Praia Santa Maria
na scritóri Fernandi Sousa
m da nomi ess poi na papel
ess dam número 37
m da rincada m ba pilorinho
m tchiga na Bibi di Riqueta
m poi nha porbulema
ê djudam mata fomi
4 dia cu 4 noti
la 4 hora di madrugada
m odja Barco Ana Mafalda
m odja luz toma baía
cando Ana Mafalfada tchiga bem
pa leba guentis Santomé di Principe
m poi cabeça na tchom
m xinta m cuda bida
oh naná oh naná ...
m djunta nhas manducho
m poi dentu um sacutelo
m toma boti m bai pa bordo
m rumado moda saco
canto dia sem sustento
canto dia sem quebra djudjum
cantu dia sem mata fomi
na puron di barco ta bai
oh naná oh naná ...
Codé di Dona
Posted in: 5. Mitos e Realidades
