4.2.12
Eurídice Monteiro
ali ben tenpu ki
ómi ta txeka mudjer lá ta bai
mudjer ka ta djobi pa trás
pamó pa frenti ki sta kaminhu
oji nes terra
un afronta grandi sima ki ka ten fin
kalunia, difamason y injúria di tudu kasta
Tota Kdabra interadu na simiteri Várzia
nun coval anónimo sen nenhun coroa funerária de rosa-querela
Kukinha tmá ofénsa y fká sen dôs dente na se boka
tude gente tava ta tmá fé de tude más kuand plísia txigá já era bastant tarde
fladu fla ma sra. Ministra panhá três sokos y un pontapé
dja kriadu lei anti-pankadaria ma inda kusa sta mariadu
stribilin pa tudu banda
fla-m pamó gó
si é tan sabe kalor dun amor
mudjer ómi ómi mudjer mudjer ómi
lapidu na kumpanheru
djobe li:
djobe li:
Cretcheu más sabe,
é quel que é di meu
el é que é tchabe,
que abrim nha céu.
Cretcheu más sabe
é quel qui crem
ai sim perdel
morte dja bem.
Posted in: 7. Versos Rabiscados
