Força de Cretcheu

.
Ca tem nada na es bida
Más grande que amor
Se Deus ca tem medida
Amor inda é maior.
Maior que mar, que céu
Mas, entre tudo cretcheu
De meu inda é maior
.
Cretcheu más sabe,
É quel que é di meu
El é que é tchabe
Que abrim nha céu.
Cretcheu más sabe
É quel qui crem
Ai sim perdel
Morte dja bem
.
Ó força de chetcheu,
Que abrim nha asa em flôr
Dixam bá alcança céu
Pa’n bá odja
Nôs Senhor
Pa’n bá pedil semente
De amor cuma ês di meu
Pa’n bem dá tudo djente
Pa tudo bá conché céu
.
Eugénio Tavares (ilha da Brava, Cabo Verde)

Posted in: 6. Saborear a Poesia